Kryeministri Edi rama ka qenë i ftuar këtë të martë si ftuar nderi në takimin tradicional të fillimvitit të Unionit Social-Kristian gjerman.
Përmes një postimi në facebook, kryeministri thekson se ftesa ndaj Shqipërisë në këtë forum, është një tregues mbi forcimin e marrëdhënieve mes Shqipërisë dhe Gjermanisë, por dhe një tregues i pozicionit të ri që vendi ka në arenën ndërkombëtare.
Rama thekson s eqeveria shqiptare ka tashmë një ndërveprim me të gjitha forcat politike në gjermani pavarësisht krahut politik që ato përfaqësojnë.
“Kloster Banz, Bavari – Në takimin tradicional të fillimvitit të Unionit Social-Kristian (CSU) me ftesë të kryeministrit të Bavarisë, Markus Söder, për të adresuar lidershipin e Unionit, mbi sfidat europiane, Shqipërinë si një shembull suksesi në rajonin tonë dhe forcimin e marrëdhënieve bilaterale me Gjermaninë, e me Bavarinë posaçërisht, përmes bashkëpunimit politik, ekonomik, tregtar e kulturor.
Deri vetëm pak vite më parë, do të ishte e paimagjinueshme, që falë rezultateve e një imazhi krejt të ri në Europë, Shqipëria të kishte një vend nderi si e ftuar në këtë forum strategjik të politikës gjermane, e për më tepër që qeveria shqiptare të mos kishte më asnjë barrierë ndërveprimi me forcat politike në Gjermani, pavarësisht ngjyrës politike”, shkruan Rama.