Kryetarja e Kuvendit të Shqipërisë, Lindita Nikolla ka dënuar ashpër sulmin me armë ndaj Top Channel.
Në një reagim të kryeparlamentares në rrjetet sociale, e cilëson sulmin një ngjarje të rëndë dhe kërkon veprim të menjëhershëm nga agjencitë ligjzbatuese për të zbardhur ngjarjen kriminale, ku mbeti i vrarë roja e sigurisë.
“Sulmi me armë ndaj TV kombëtar “Top Channel” dhe vrasja e një prej personelit të sigurisë është një ngjarje e rëndë që kërkon veprim të menjëhershëm e profesional nga agjencitë ligjzbatuese.
Solidaritet për TV “Top Channel” dhe ngushëllime familjes Kola. Të zbardhet sa më shpejt kjo ngjarje kriminale!”, u shpreh Nikolla.