Rezultati i zgjedhjeve te 14 majit duhet të jetë i gjithëpranuar nga të gjitha forcat politike, e mbi të gjitha nga kundërshtarët tanë. Kështu është shprehur dje nga Fieri, kreu i grupit parlamentar socialist Taulant Balla, duke bërë thirrje që fushata të jetë e qetë, e pastër dhe pa shume kosto financiare. Sipas tij Berisha ka filluar të fshihet brenda potureve të Ilir Metës. Madje shqiptarët në 14 Maj do ti tregojnë me votë fundin politik dyshes Meta Berisha, ka shtuar Balla. “PS garon në këto zgjedhje me 6 kandidatë që do jenë fitues në të 6 bashkitë. Dua të theksoj që kemi bërë një punë të shkëlqyer. Kemi arritur të gjejmë një ekuilibër mes anëtarësisë së PS-së. Kemi përfshirë të rinjtë dhe ka barazi gjinore. Personalitete nga fusha të ndryshme, që kanë spikatur gjatë viteve. E vërteta është që PS do fitojë në zgjedhjet e 14 majit. Të gjithë kandidatët janë mirëpritur. Do të vazhdojmë të rrisim vëmendjen e qeverisë, investimet kanë qenë të mëdha dhe do të vazhdojnë të jenë të tilla. Vëmendja e qeverisë për qarkun Fier si qarku me ekonominë e dytë më të madhe në vend do të vazhdojë të jetë. Synoj të ndërtojmë një marrëdhënie shumë të fortë mbështetëse për sipërmarrjen e Fierit, komuniteti i biznesit të Fierit është një komunitet që ka një nivel të lartë të pagesës së detyrimeve që burojnë nga aktivitetet e tyre. Roli i një drejtuesi politik është të krijojë një lobing të domosdoshëm në mbështetje të Fierit”, tha ai. Për kreun e grupit parlamentar të PS, Taulant Ballën, akuzat e Metës janë alibi për humbjen. Dyert e hapura të SPAK për Ballën nuk janë problem.”Duhet të jemi të qartë për shprehjen “dyert e SPAK-ut”. SPAK u krijua për të pasur dyert e hapura që askush të mos gëzojë një lloj imuniteti 30 vjeçar për të mos u paraqitur në dyert e SPAK. Kjo gjë ka mbaruar me reformën e 2016-ës. As kryeministri Rama as PS nuk e kontrollon këtë drejtësi. Në kohën e Saliut prokuroria nuk ekzekutonte dot urdhrat. Prandaj nuk është fakt negativ, është arritje që të ketë kryebashkiakë apo ministra që shkojnë në dyert e drejtësisë”, nënvizoi Balla.
Spektakël në koncertin e Noizy-t, reperi surprizon në mënyrë të veçantë fansin e tij, video-ja bën xhiro në rrjet
Reperi mjaft i dashur për publikun, Noizy është gjithmonë në qendër të vëmendjes sa i përket këngëve dhe koncerteve të...
Lexo më shumë