Çfarë ndodhi? Pendohet rëndë Vuçiç: Jam treguar presidenti më budalla në botë

Presidenti i Serbisë, Aleksander Vuçiç, në një intervistë për TV Pink ka thënë se i vjen keq për vendimin e tij që Serbia të braktisë gërmimet për litium dhe thotë se me marrjen e një vendimi të tillë është treguar “presidenti më budalla në botë”, shkruan N1.

Këto deklarime Vuçiç i ka bërë teksa ka folur për protestën e aktivistëve për mbrojtje të ambientit përpara ndërtesës së Qeverisë së Serbisë. Ai ka thënë se nuk e kupton pse ata po protestojnë përpara Qeverisë.

“Kur të protestojnë ata duhet të protestojnë përpara Presidencës”, ka thënë Vuçiç duke paralajmëruar edhe përballje me ta, meqë çmimi i litiumit në bursa ka shkuar në 82 mijë e 500 dollarë për ton.