Në ditën e samitit në kryeqytetin ukrainas mes përfaqësuesve më të lartë të Bashkimit Evropian dhe Presidentit Volodymyr Zelenskyy, kryeministrja shpjegon se qëndrimi italian ishte shumë i qartë dhe Italia bëri të gjitha përpjekjet në 360 gradë.
“Të ndihmosh Ukrainën është e vetmja mënyrë për të sjellë aktorët në tryezë. Unë do të jem në Kiev në javët në vijim, para 24 shkurtit”, kështu deklaroi kryeministrja Giorgia Meloni në fund të takimit me kancelarin gjerman Olaf Scholz në Berlin.
Në ditën e samitit në kryeqytetin ukrainas mes përfaqësuesve më të lartë të Bashkimit Evropian dhe Presidentit Volodymyr Zelenskyy, kryeministrja shpjegon se qëndrimi italian ishte shumë i qartë dhe Italia bëri të gjitha përpjekjet në 360 gradë, raportojnë mediat italiane.
‘Ne kemi arritur paketën tonë të gjashtë të ndihmës për një shumë të rëndësishme. Prandaj, ne jemi këtu dhe do të mbështesim Ukrainën edhe për të arritur dialogun. Nëse nuk do të mbështesnim Ukrainën, nuk do të kishim paqe, por pushtim”, tha Meloni.
Premtimi amerikan për ndihmë, që u njoftua të premten i hap rrugë dërgesave të tjera me këtë lloj arme (GLSDB). Me mbërritjen në Ukrainë të raketave të reja, kjo do të shënojë për herë të parë për Ukrainën një rritje eksponenciale të gamës së saj me raketa, që nga marrja e sistemeve amerikane HIMARS në fund të qershorit 2022. Sistemet HIMARS kanë një rreze prej 77 kilometrash dhe kanë qenë të rëndësishme në kundërsulmin e Ukrainës kundër forcave ruse, të cilat e sulmuan këtë vend më 24 shkurt të vitit 2022.