Në media kanë qarkulluar disa biseda në aplikacionin “WhatsApp”, ku punonjësit e zpolicisë talleshin me një adoleshente që kishte humbur gjurmët me familjen.
Për këtë ngjarje, AMP njoftoi se ka nisur menjëherë procedurat për nisjen e hetimit disiplinor ndaj punonjësve të policisë .
Një reagim për gjuhën seksiste të fektivëve ka ardhur nga eksperti i kriminalistikës, Ervin Karamuço.
Ai deklaron se nëse kjo bisedë është e vërtetë, komisariatit të policisë duhet t’i vihet dryni për disa kohë.
“Nëse rezulton i vërtetë bashkëbisedimi në grup i policëve të Komisariatit Nr.1 Tiranë, duke përdorur gjuhë seksiste dhe poshtëruese ndaj një adoleshente të humbur, për të cilën kërkohej nga eprorët angazhimi serioz për ta gjetur, do dëshiroja shumë t’i vihej dryni për disa kohë këtij institucioni…”, shkruan Karamuço.