"Dhe pse akuzohet për çështje të rëndë, gjykata...", avokati i ish-ministrit habit me argumentet e lirimit të Saimir Tahirit

Avokati Redi Ramaj ishte këtë të diel në Euronews Albania për të folur rreth lirimit të ish-ministrit të brendshëm Saimir Tahiri.

Ai tha se edhe pse ish-ministri është dënuar për një çështje të rëndë, sërish sipas ligjit ai nuk është një person me precedentë penal të përsëritur dhe as nuk është një person me rrezikshmëri të lartë shoqërore, ndaj në raste të tilla, shpjegoi avokati gjykata nuk ka përse të mos pranojë lirimin dhe shlyerjen e detyrimit ligjor me “arrest në shtëpi”

“Ka raste kur individë të cilët kanë plotësuar të gjitha kriteret ligjore nuk kanë arritur dot të marrin lirimin me kusht, por ka pasur edhe mjaft raste kur është pranuar kërkesa e lirimit me kusht. Kjo praktik kur flasim me rrezikshëmri të ulët duhet të përdoret nga Gjykata, nuk ka arsye pse mos të japë, kur vepra nuk është e rrezikshme dhe dënohet me maksimumi 8 vjet.

Për vepra të rënda kjo nuk aplikohet, apo në rastin kur personat janë përsëritës të një vepre penale, apo persona me rrezikshmëri të lartë. Saimir Tahiri edhe pse akuzohet për një çështje të rëndë ai në vetvete nuk është dënuar më herët nga gjykata, nuk ka pasur precedentë penal, ndaj sip0as ligjit ai është person me rrezikshmëri të ulët,”-tha avokati Redi Ramaj.