Kreu i kompanisë “Eagle Hills”, Mohamed Alabbar, ka folur mbrëmjen e sotme në lidhje me projektin e portit të Durrësit.
Alabbar tha në emisionin “Riview” se javën e ardhshme do të paraqesë të dhënat për apartamentet që do të ndërtojë në Durrës
Ai deklaroi se ndërtimi i këtyre apartamenteve, që do të jenë pjesë e portit të ri, do të fillojë pas disa muajsh dhe do të përfundojë brenda dy vitesh.
“Besoj se javës tjetër ne do të paraqesim të gjitha të dhënat për ndërtesat, ose një javë më pas. Unë investoj tek përgatitjet dhe projektimet dhe shpresoj që ato të miratohen. Me këto projekte do të hyjmë në tender. Mendoj se pas disa muajsh do të fillojnë ndërtimet.
Sa i përket fazave të ndryshme, në të ardhmen e afërt ne do t’ju tregojmë fazat e projektit. Besoj se brenda dy vitesh, njerëzit mund të fillojnë të hyjnë në apartamente, besoj se brenda dy vitesh do të mundësohet kjo”, theksoi Mohamed Alabbar.