Gazetari Poli Hoxha tha në emisionin Now në Euronews Albania se SPAK është institucioni më i “kapur” nga amerikanët, në kuptimin e besnikërisë ndaj ligjit.
Sipas tij, në 3 vitet e para të ekzistencës së SPAK, prokurorë të caktuar janë kapur nga politika, gjë që sipas tij solli edhe irritimin e amerikanëve, të cilët kanë investuar shumë për këtë institucion.
“Nëse vazhdojmë me retorikën që SPAK është i Edi Ramës, atëherë kush i ka futur në burg këta të tjerët? Në SPAK të gjitha palët i kanë futur duart, këtë e them me garanci. Në 3 vjetët e para SPAK ishte për mjerimin e tij, ndaj u irrituan edhe amerikanët sepse prokurorë të caktuar i kanë kapur. Po shkove te Gjykata Posaçme është tjetër histori. Të gjithë po merremi me SPAK dhe nuk e dimë që ferri mbi tokë është atje. Nëse kanë kapur amerikanët një gjë, në kuptimin e besnikërisë ndaj ligjit është Gjykata e Posaçme. Mjerë kush shkon atje!” tha Hoxha.