I dënuar me disa vite heqje lirie, arratiset i burgosuri, dalin me shpejtësi detajet e fundit

Autoritet në Kosovë kanë njoftuar se një I dënuar me iniciale A.H është arratisur sot nga burgu i Smrekonicës.

Sipas njoftimit mungesa e të dënuarit është vërejtur sot rreth orës 19:00, gjatë numërimit të të burgosurve.

“Për largimin e tij është përgatitur letër rreshtimi dhe është njoftuar edhe Policia e Kosovës. A.H. po mbante dënimin në Qendrën Korrektuese në Smrekonicë, pasi ishte i dënuar me tre vite për veprat penale – vjedhje e rëndë dhe vjedhje”, thuhet në njoftimin e SHKK.

Qendra Korrektuese Smrekonicë është institucion i tipit të hapur, ku mbahen personat me dënime të shkurta dhe personat të cilët janë në përfundim të dënimit.