Ardhja në pushtet e Donald Trump, mund të ulë në tryezë për bisedime SHBA dhe Rusinë për luftën në Ukrainë.
Ka qenë kjo deklarata e bërë nga koloneli Dritan Demiraj, për emisionin ‘Studio Live’.
Teksa u ndal tek lufta Rusi-Ukrainë, ai tha se Rusia ka dhënë sinjale për negociata duke zgjeruar frontin e sulmit.
“Putini ka disa muaj që kërkon kushte për tu ulur në negociata dhe pengesa është Zelensky, i cili kërkon disa gjëra që Moska nuk i pranon. Më beso që unë mendoj se arsyet që Putini ka zgjeruar frontin e sulmit është që ta detyroj me dhunë perëndimin dhe Zelenskyn që të ulen dhe të bëjnë negociata. Unë them se ky konflikt do mbyllet kur SHBA dhe federata ruse të ulet në terren, këtë do ta bëjë një avancim i federatës ruse. Nëse Trump vjen në Shtëpinë e Bardhë besoj se po, mund të arrihen negociata. Mund të ndodh edhe nga fillimi janarit”, tha ai.
Sa i takon ambicies së Izraelit për të zhdukur militantët e Hamasit, ai u shpreh se Hamasi nuk mund të zhduket, pasi është një lëvizje politike.
“Mbijetesa e Netanyahu-ut është e lidhur me vazhdimin e luftës dhe sa më shumë të vazhdojë lufta aq më shumë do të vazhdojë ai që të qëndrojë në qeveri. Është e pamundur të bëhet zhdukja e Hamasit. Hamasi është lëvizje politike, që të zhdukësh Hamasin duhet që të zhdukësh 2. 5 milionë palestinez”, tha ai.
Ndërkohë, ai foli edhe situatën e krijuar në Iran pas humbjes së jetës së presidentit iranian Ebrahim Rasisi, më 19 maj në një aksident me helikopter, ku flitet se tashmë krahu i tij radikal është dobësuar.
Por, Demiraj e përgënjeshtroi këtë.
“Për ata që e njohin si funksionon politikën e jashtme e Iranit, marrëdhëniet e tij me disa vende e ka të qartë që Irani nuk është dobësuar. Do donim që të ishte dobësuar dhe të kishte ndryshim të lidershipit, por e vërteta nuk është kështu. Jo çdo gjë që thuhet është e vërtetë në fakt. Në Iran ka opozitë dhe më lejo të them se Irani ka një dashuri të madhe për perëndimin, për jetën, kulturën zakontët dhe gjuhën angleze”, tha ai.