Masat për samitin/ Eksperti i sigurisë, Ervin Karamuço zbardh prapaskenat dhe tregon ç'po planifikohet: Ndërkombëtarët kanë sjellë emra dhe ‘zona të nxehta’ që duhen mbajtur në survejim

Eksperti i sigurisë, Ervin Karamuço, ka folur në lidhje me masat e marra për protestën e opozitës që do të nisë në orën 12:00 me datë 6 Dhjetor, po astu në të njëjtën datë do të mbahet edhe samiti i BE-së në Tiranë.

Bëhet me dije se për këtë mbarëvajtje do të angazhohet jo vetëm policia shqiptare, por edhe organet ligjzbatuese ndërkombëtare të cilat do të jenë të koordinuara.

Eksperti i sigurisë Ervin Karamuço në një intervistë për Report Tv, u shpreh se institucionet ligjzbatuese të vendeve partnere do të mbajnë kanë përpiluar një listë me emra si dhe evidentuar zonat e nxehta, të cilët do të mbahen nën survejim dhe për t’u neutralizuar në rast rreziku. Sa kohë që pritet një numër i lartë personalitetesh, ke edhe shkëmbim informacionesh për rritjen e sigurisë, tha Karamuço.

‘Këto ditë Shqipëria do jetë vendi më i sigurtë në Evropë. Po flasim këtu edhe për kryeqytetin, jo nga vetëm nga ana e organeve tona ligjzbatuese, por edhe atyre ndërkombëtare. Kanë sjellë lista me emra, zona të nxehta, dhe i kanë shkëmbyer me policinë shqiptarë thjeshtë dhe vetëm për një mbarëvajtje më të mirë të këtij samiti. Në rastin konkret ka një mori informacionesh të ardhura që analizohen si elementë risku për t’u mbajtur në survejim dhe për tu neutralizuar në një moment të caktuar.

Këto informacione që kryqëzohen, janë një mësim shumë i mirë për forcat tona. Plani i masave është një plan që nuk është hartuar vetëm nga policia shqiptare, por edhe nga institucionet ligjzbatuese partnere, kanë për qellim sigurinë e këtyre personaliteteve që nuk janë vetëm shqiptare. Për sa kohë presim një numër kaq të lartë personalitetesh, shkëmbejmë informacione. Është një plan i koordinuar dhe nuk është një plan që e kemi bërë ne. Europoli është një pjesë, institucionet e tjera janë një pjesë tjetër, janë analizuar kanë dalë në deduksione dhe më pas janë përkthyer në masa. Persona me rrezikshmëri të lartë janë në survejim dhe kanë rreth një muaj që janë në survejim edhe nga ne edhe nga ndërkombëtarët. Policia Shqiptare ka një rol koordinues.’– u shpreh Karamuço.