Mjekësia falas veç në letra, ‘pluhurosen’ dosjet e hetimit ndaj “Check Up’ dhe ‘Sterilizimeve’ vendnumëro, Dumani jep përgjigjen e shumëpritur: Kam kërkuar…

Kreu i SPAK, Altin Dumani në një takim me gazetarët është ndalur në çështjen e koncesioneve të ‘Check Up’ dhe ‘Sterilizimit’.

Më shumë shpejtësi në hetimet për dosjet e koncesioneve të ‘Sterilizimit’ dhe të ‘Check Up’ ka kërkuar kreu i SPAK në takimin që ka pasur sot me gazetarët.

“Më shqetësojnë shumë çështjet e mbartura, kam qenë kërkues me prokurorët që çështja të përshpejtohet, kaq mund të bëj unë, të kërkoj llogari pse nuk po ecën çështja. Këtë e kam bërë, është në përgjegjësinë e prokurorit, po bëhen veprime”, ka thënë ai.