Në arrest shtëpie, shqiptari nuk përmbahet, organizon festë me drogë në tarracën e pallatit, policia del me detajet e fundit

Një 53 vjeçar u arrestua dhe u dërgua në burg nga karabinierët, të cilët zbatuan urdhrin e aplikimit të masës së sigurimit. Shqiptari ndodhej në arrest shtëpie pasi ishte arrestuar  për shpërndarje kokaine pasditen e 6 dhjetorit 2022 në rrugën Francesco Sabatucci në Bolonja.

Njëzet ditë më vonë, në mbrëmjen e Shën Stefanit, karabinierët shkuan për kontroll në shtëpinë e 53-vjeçarit për të verifikuar respektimin e masës së sigurimit.

Aty konstatuan festën në taracën e shtëpisë ku gjetën 10 gramë kokainë, 940 euro, një peshore precize dhe  celefon për paketimin e lëndës narkotike.

53-vjeçari mori të gjithë përgjegjësitë duke “shfajësuar” miqtë e tij. Pas ngjarjeve, Prokuroria Publike e Bolonjës ka kërkuar rëndimin e masës së sigurimit, të urdhëruar nga gjyqtari hetues.

I arrestuar pasditen e djeshme nga karabinierët e stacionit të Bolonjës San Ruffillo, shqiptari u dërgua në burg.