VIDEO/ Bënte ‘drift’ në mes të qytetit, e pëson keq shoferi

Një drejtues mjeti është ndëshkuar me 75 mijë lekë të rinj dhe me heqjen e patentës pasi u filmua duke kryer drift në qytetin e Vlorës.

Policia thotë se veprimet e të riut ishin një burim i mundshëm aksidenti dhe për këtë ndaj tij janë marrë masa ndëshkuese.

Shoferi u shoqërua në polici dhe rezultoi se e drejtonte automjetin, pa siguracion dhe pa kryer kontrollin teknik.

Kreu manovra të rrezikshme në rrugë, në zonë të banuar, drejtuesit të automjetit i tërhiqet leja e qarkullimit dhe ndëshkohet me masën administrative 75.000 lekë të rinj.

Bazuar në disa pamje filmike, në të cilën shfaqet një drejtues automjeti, duke kryer manovra të rrezikshme (drift) me automjet, duke u kthyer në burim aksidenti dhe rrezik për përdoruesit e tjerë të rrugës, shërbimet e Sektorit të Policisë Rrugore në DVP Vlorë bënë të mundur identifikimin e drejtuesit dhe shoqërimin e tij.

Në përfundim të veprimeve, shërbimet e Sektorit të Policisë Rrugore të DVP Vlorë i kanë terhequr lejen e qarkullimit, drejtuesit të automjetit, shtetasit D. Xh., si dhe e kanë ndëshkuar atë, me masën administrative 75.000 lekë të rinj, pasi ka drejtuar automjetin me shpejtësi mbi normat e lejuara, në qendër të banuar dhe ka kryer manovra të rrezikshme, në kundërshtim me Kodin Rrugor.

Pas shoqërimit në komisariat, rezultoi se ky shtetas e drejtonte automjetin, pa siguracion dhe pa kryer kontrollin teknik.

Drejtoria Vendore e Policisë Vlorë fton të gjithë qytetarët që të denoncojnë çdo rast të paligjshmërisë, duke u siguruar reagim të shpejtë dhe të paanshëm, kundrejt atyre që shkelin ligjin dhe cenojnë jetën e qytetarëve.