Lufta/ Moska plas akuzat e forta drejt Kievit: Po përgatitet të hedhë në erë qytetin e saj dhe të fajësojë Rusinë!

Moska ka akuzuar Kievin se po përgatitet të hedhë në erë ndërtesa në qytetin lindor të Ukrainës, Kramatorsk dhë më pas të akuzojë Rusinë për kryerjen e krimeve të luftës dhe shënjestrimin e civilëve në një operacion të rremë.

Ministria e mbrojtjes ruse ka shkruar në Telegram se Kievi planifikoi të shpërthejë tre ndërtesa mjekësore, ambulantë dhe një spital dhe “të akuzojë Rusinë për një “sulm të qëllimshëm” të supozuar ndaj objekteve civile”.

“Sipas informacioneve të konfirmuara nga disa burime të pavarura, shërbimet speciale ukrainase synojnë të kryejnë një provokim në shkallë të gjerë në të ardhmen e afërt për të akuzuar Rusinë për gjoja kryerjen e krimeve të luftës”, shkruhet në Telegram.

“Për këtë qëllim, regjimi i Kievit planifikoi në qytetin e Kramatorsk një bombardim të kontrolluar të ndërtesave të dispansereve lokale narkologjike dhe onkologjike në mënyrë që të akuzonte Rusinë për gjoja një “goditje të qëllimshme” në objekte civile.”

Më tej thuhet se “kundër sfondit të dështimeve ushtarake të ushtrisë ukrainase”, autoritetet e Kievit po përpiqeshin të “rrinin presionin mbi opinionin publik në vendet perëndimore me provokime të tilla, në mënyrë që të zgjeronin gamën e furnizimeve të armëve moderne dhe pajisjeve ushtarake”.

Megjithatë, ministria e mbrojtjes nuk dha asnjë provë për pretendimet dhe akuzat ndaj Ukrainës.