Hetimet e Kombeve të Bashkuara kanë nxjerrë në pah se në Ukrainë forcat ruse kanë kryer krime lufte. Në këto përfundime ka arritur kreu i Komisionit Hetimor të OKB-së për shkeljet e të drejtave të njeriut dhe ligjit humanitar në Ukrainë Erik Mose. “Bazuar në provat e mbledhura nga Komisioni, ka arritur në përfundimin se krimet e luftës janë kryer në Ukrainë,” tha ai. Konkluzionet e Komisionit Hetimor të OKB-së janë realizuar pas investigimit në katër rajone ukrainase. Raporti i komisionit theksoi disa fusha ku aktivitetet ruse kanë qenë veçanërisht të dëmshme, duke përfshirë sulmet e përgjithshme, pa dallim në zonat civile, ekzekutimet, torturat dhe dhunën seksuale dhe me bazë gjinore. Komisioni raportoi se “përdorimi i armëve shpërthyese me rreze të gjerë veprimi nga Rusia në zonat e populluara është një burim i dëmeve dhe vuajtjeve të mëdha për civilët” dhe se një numër sulmesh “u kryen pa dallim midis civilëve dhe luftëtarëve”, duke përfshirë përdorimin e municioneve thërrmuese ose sisteme të shumta raketash dhe sulme ajrore në zonat e populluara”. Njoftimi liston 16 qytete dhe qyteza ku hetimet për ekzekutimet janë në vazhdim, me “pretendime të besueshme” për shumë raste të tjera. Kishte “raportime të vazhdueshme të keqtrajtimit dhe torturës” të viktimave ukrainase, disa prej të cilave thanë se u transferuan në qendrat e paraburgimit në Rusi, ku u mbajtën për javë të tëra. Raportohet se disa viktima janë zhdukur. Komisioni paraqiti gjithashtu dëshmi për rrahje, goditje elektrike dhe lakuriqësi të detyruar të ish të burgosurve në qendrat ruse të paraburgimit. Presidenti i Komisionit Mose tha gjithashtu se ata gjetën prova të një numri të paspecifikuar ushtarësh rusë që kryen krime të dhunës seksuale ose me bazë gjinore.
Spektakël në koncertin e Noizy-t, reperi surprizon në mënyrë të veçantë fansin e tij, video-ja bën xhiro në rrjet
Reperi mjaft i dashur për publikun, Noizy është gjithmonë në qendër të vëmendjes sa i përket këngëve dhe koncerteve të...
Lexo më shumë