Çfarë ka ndodhur këtë javë nga showbiz-i?! Zbuloni të rejat e fundit!

Zbuloni disa nga ngjarjet më të bujshme në rrjet të javës që lamë pas…

1. Pak ditë më parë, i ftuar në emisionin “Pardon My French” me Jonida Aliçkollin ka qenë artisti i njohur, David Dreshaj. Ai ka zbuluar më shumë detaje në lidhje me fillimet e karrierës së tij, projektet e reja dhe jo vetëm… Ekskluzivisht për Top Albania Radio, David Dreshaj zbuloi se këtë verë ai do të sjellë një bashkëpunim me artisten e njohur Ronela Hajatin.

Kam pasur bisedime me shumë artiste të showbiz-it shqiptar sepse kemi menduar të sjellim diçka, disa edhe kam filluar t’i realizoj. Momentin e duhur kur do të lançohet nuk e di por mund ta them ekskluzivisht për Top Albania Radio që e kam një bashkëpunim me Ronela Hajatin. Një këngë shumë verore, ‘clubish’ për audiencën dhe për njerëzit që do vijnë nga jashtë do ta shijojnë shumë në clube, lounge dhe kafe.

2. Para pak ditësh, Vëllai i Madh vendosi që t’u bënte një surprizë 5 finalistëve të shtëpisë më të famshme në Shqipëri. Disa nga gazetarët e ekranit të Top Channel iu bashkuan për pak orë banorëve. Ed Manushi, Blendi Salaj, Enxhi Nasufi, Bieta Sulo, Ronaldo Sharka, Erjona Rusi dhe Ina Kollçaku darkuan me Julian Dedën, Romeo Veshajn, Meriton Mjekiqin, Egla Cenon dhe Heidi Bacin. I pyetur nga Blendi Salaj se çfarë do bënte me paratë e çmimit të madh, Juli u përgjigj:

Të vazhdoj punën time në televizion se e kam si drogë atë, as nuk bëhet fjalë kjo historia. Kam dëshirë të bëj një stand-up comedy, e kam thënë disa herë këtë gjënë. Para se të hyja këtu e pata nisur në fakt diçka dhe para se të hyja këtu isha në Gjakovë. Desha ta vazhdoja, por besoj se kësaj radhe do kem më shumë fuqi edhe për punën e sponsorëve e gjërave, sepse dua ta bëj më të madh. Dua të shkoj kudo ku ka shqiptarë edhe si një mënyrë falënderimi për gjithë mbështetjen.

3. Carlo Conti do të jetë drejtori i ri artistik dhe mikpritësi i Festivalit të Këngës Italiane në Sanremo për dy vitet e ardhshme. Lajmi është bërë i ditur nga faqja zyrtare në Instagram e Sanremos, ku përkrah një foto të Carlo Conti thuhet:

Carlo Conti do të jetë drejtori artistik dhe prezantuesi i edicioneve 2025 dhe 2026 të Festivalit të Sanremos #Sanremo2025”.

4. Në darkën brenda shtëpisë së BBV3 me moderatorët e Top Channel, teksa të gjithë kanë qenë të ulur rreth tavolinës duke darkuar, ka qenë Ina ajo që i ka drejtuar Romeos një pyetje në lidhje me konkurrentin që ai mendon se do e nxirrte ai nga shtëpia. Romeo u përgjigj:

Unë mendoj se konkurrenti i vetëm që do më nxirrte mua nga kjo shtëpi do të ishte Donaldi sepse mendoj se ka qenë shumë herë më i zoti se mua.

5. Vëllai i Madh i ka vënë banorët përpara disa pyetjeve, të cilave duhet t’ju përgjigjen të gjithë. Pyetjes se cila është ëndrra e tyre në sirtar, Heidi i është përgjigjur:

E vetmja gjë që nuk kam arritur të bëj është se nuk kalova të bëhesha doktoreshë. Nuk kalova te ajo shkolla e mjekësisë. Nuk kisha mundësi se nuk kalova testin dhe pastaj Covidi, jeta më ka cuar shumë larg atyre gjërave…