"Jam i varur nga..."/ Banorët i bëjnë pyetje anonime njëri-tjetrit, ja disa nga përgjigjet më "pikante" (VIDEO)

Padyshim një nga momentet më interesante të ditës së djeshme në "Big Brother" ishte në mbrëmje, kur banorët lexuan pyetjet që produksioni i kishte kërkuar të bëni për njëri-tjetrin në mënyrë anonime dhe dhanë disa përgjigje vërtetë "pikante". Pyetje-përgjigje këto që kanë vazhduar edhe sot të hapin debate apo të krijojnë përplasje në shtëpi, teksa u fol për lojën e konkurentëve, jetën e tyre private, ndjenjat e gjithcka tjetër. 

Por cilat ishin disa prej pyetjeve e sigurisht përgjigjeve më të komentuara, si brenda shtëpisë, ashtu edhe nga publiku? Nisim me Luiz Ejllin, i cili në përgjithësi ju përgjigj pyetjeve në drejtim të tij shkurt dhe prerë, pa shumë histori. Megjithatë pyetjes: "Pse bën sikur nuk e di që Kiara ka dikë jashtë" ai ju përgjigj me 3 fjali, duke thënë: "E para nuk e di nëse ka, e dyta nuk ka dhe e treta nëse e ka, tani nuk është më". Përgjigje që u vlerësua masivisht nga banorët. Meqë ra fjala këngëtari mendon se ja ka bërë Olta si pyetje dhe ky hamendësim i tij u bë shkak edhe për "acarimin" e gjendjes mes tyre sot. 

Kiara, sic mund ta keni dëgjuar tashmë, pranoi mbrëmë për herë të parë, nisur nga pyetja që ju bë, se është e dashuruar "në një farë mënyre" brenda shtëpisë. Gjë që gëzoi më shumë Luizin patjetër. 

Olta Gixhari ju përgjigj një pyetje në lidhje me tradhëtinë në cift, nuk e dimë përse banorët e kanë gjykuar të arsyeshme që ta pyesin për këtë. Megjithatë ajo u pyet edhe për lojën dhe se "cfarë do ishte e gatshme të bënte për të fituar Big Brother?".

Maestro zbuloi nga përgjigja e pyetjes së tij se personi nga i cili ishte zhgënjyer brenda në shtëpi ishte Amosi, nisur nga fakti që e ka nominuar. 

Tea rrëfeu se pendohet se si e ka trajtuar kohën e saj në "Për'puthen" dhe besojmë se e kuptoni të gjithë për cfarë e ka fjalën. 

Efi pranon se nuk ka krijuar asnjë "personazh" brenda shtëpisë, por vazhdon të mbetet e njejtë dhe po shfaq gjithë cilësitë e vetes. 

Diola, pavarësisht afrimiteti me Xhonatanin ditët e fundit dhe një histori të mundshme mes tyre, tha se nuk është aspak gati për një romancë të re. 

Ndërkohë Kristi u "ngacmua" jo pak në lidhje me marrëdhënien e tij me Oltën brenda në shtëpi, duke u pyetur nëse ishte e varur nga aktorja, gjë që e pranoi dhe po ashtu duke pranuar që kishte ndjenja ndaj saj, por vetëm ndjenja miqësie.