Nga Luana e tek Dafina, urimet e VIP-ave shqiptarë për festën e 28 Nëntorit (FOTO)

Shumë personazhe VIP kanë bërë urime të shumta për festën e 28 Nëntorit. Sot nuk kanë munguar aspak urimet për Ditën e Flamurit nga këngëtarë e moderatorë për 110-vjetorin e Pavarësisë së Shqipërisë.

Dhurata Dora, Luana Vjollca, Dafina Zeqiri, Capital T, Adrola Dushi kanë publikuar story në Instagram. Disa prej tyre kanë pozuar me flamurin shqiptar.

Në 110-vjetorin e Pavarësisë një urim i veçantë ka ardhur edhe nga Rita Ora për të gjithë shqiptarët. Artistja shqiptare me famë botërore ka uruar 28-nëntorin me një foto shkëputur nga koncerti i saj i mbajtur në shtator në sheshin “Skënderbej” në Tiranë.

Më e veçanta qëndron se Rita këtë urim e ka bërë në gjuhen shqipe: “Gëzuar Ditën e Flamurit Shqipëri,”-ka shkruar Ora.

Bukuroshja na ka bërë gjithmonë krenarë me arritjet e saj dhe na i ka çuar zemrat peshë sa herë ka përmendur origjinën e saj. Kudo të jetë, sa herë i jepet mundësia, Rita s’lë pa përmendur Shqipërinë e Kosovën, nuk lë pa folur për rrënjët e saj, njerëzit mikpritës dhe ushqimet kaq të shijshme tradicionale.

Megjithëse është shpërngulur nga Prishtina në Londër në moshën 1-vjeçare, prindërit e saj kanë ruajtur kulturën dhe gjuhën dhe i kanë ushqyer Ritës dashurinë për atdheun.

“E lindur në një familje të shquar kosovaro-shqiptare në Prishtinë, kryeqyteti i Kosovës tashmë të pavarur, në vitin 1990, Rita Sahatçiu ishte ende foshnjë kur familja – nëna e saj, Vera, babai, Besniku dhe motra, Elena – u larguan nga shtëpia e tyre. Luftërat Ballkanike të dekadës po shpërthyen. Ata kërkuan azil politik në Londër, ku Besniku bleu pijetoren ‘The Queens Arms’ në Kilburn, në Londrën Veriore”, tha ajo më herët për një revistë australiane.