Nënkryetari i Partisë së Lirisë, Endrit Braimllari ka dhënë dorëheqjen nga ky post. Vendimin e njoftoi pasditen e së martës përmes një postimi në rrjete sociale. I ftuar në një emision televiziv ka komentuar këtë vendim, Braimllari tha se nuk është larguar nga partia por se ka bërë hapa pas.
“Në letrën time drejtuar komitetit drejtues kombëtar ka qenë shteruese. Ka qenë një dorëheqje e mirëmenduar për shkak të situatës të brendshme në parti. Kam 12 vite angazhim në strukturat e LSI dhe PL tanimë dhe në këto vite jam udhëhequr gjithmonë nga dinjiteti dhe karakteri për të qenë një zë në mbrojtje të interesit të qytetarëve dhe dhe kam qenë një njeri që jam marrë me punë, jam marrë me organizimin e strukturave, kam qenë kryetar i forumit rinor për një kohë të gjatë, 3 herë anëtar i këshillit bashkiak, një herë deputet dhe në çdo situatë kam mbrojtur interesin e qytetarëve.
Sigurisht që ka këndvështrime të ndryshme se si organizohet partia, por s’mund ta pranoj mënyrën që një nënkryetaer i partisë që mund të ketë kaq vite kontribut të rrijë nënkryetar aty. Kam bërë disa hapa pas për të krijuar mundësinë e unitetit dhe bashkimit të njerëzve dhe për t’i krijuar mundësinë kryetarit të partisë për të vënë në zbatim planin e tij.Konventa kombëtare me 27 prill, ku besoj se do të propozojë planin e tij. Mendoj dhe hyj tek një brez i ri politikanësh. Jam rritur brenda strukturave të LSI. E konsideroj një familje LSI. Nuk është largim nga LSI, por kam bërë hapa pas për t’u lënë të kuptoj gjithsecili se nuk është problemi Endriti. Për mua LSI është frymë. Nuk jam unë problemi brenda strukturave. Nëse kërkohet suksesi në zgjedhjet e ardhshme duhet një bashkëpunim sa më i gjerë.”, tha ai.