E paralajmëroi Gazeta SOT/ Washington Post: Ish-shefi i kundërzbulimit të FBI-së, McGonigal do të pranojë sot fajësinë

Atë që paralajmëroi ditën e sotme Gazeta Sot, e ka konfirmuar edhe Washington Post ku McGonigal pritet të pranojë sot fajësinë.

https://sot.com.al/politike/mcgonigal-vetedeklarohet-fajtor-dhe-pranon-aferat-me-edi-ramen-para-gjy-i612629

Charles McGonigal, ish-shefi i Kundërzbulimit të FBI-së në Nju Jork, i cili u deklarua fajtor muajin e kaluar për shkeljen e sanksioneve të SHBA-së dhe pastrimin e fondeve për llogari të një miliarderi rus që ai dikur e hetoi, do të pranojë fajin këtë të premte.

Një seancë dëgjimore për Charles F. McGonigal, 55 vjeç, u caktua për në orën 14:00 (ora amerikane) përpara gjykatëses së qarkut Colleen Kollar-Kotelly në Uashington, pas bisedimeve për pranimin e fajësisë me prokurorët federalë.

Ish-shefi i FBI akuzohet se ka fshehur pagesa sekrete që ka marrë nga oligarku rus Oleg Deripaska, edhe përse ky i fundit ishte shpallur non-grata.

McGonigal u përball me dy akuza federale për falsifikimin e të dhënave ose dokumenteve, të dënueshme deri në 20 vjet burg, dhe shtatë akuza për fshehje të fakteve materiale ose dhënie të deklaratave të rreme, të cilat secila mbart deri në pesë vjet burg. Ai mund të deklarohet fajtor për një nga akuzat më të lehta.

“Si agjent special i ngarkuar me divizionin e kundërzbulimit të FBI-së në Nju Jork nga viti 2016 deri në 2018, McGonigal mbikëqyri hetimet e oligarkëve rusë, duke përfshirë Oleg Deripaska, një aleat i presidentit rus Vladimir Putin. McGonigal doli në pension nga FBI në shtator 2018. Ai u padit nga autoritetet federale në janar në dy raste të veçanta që tronditën komunitetin e kundërzbulimit të SHBA, duke ekspozuar cenueshmërinë ndaj korrupsionit të atyre që mbajnë sekretet e ndjeshme të qeverisë së vendit”, shkruan prestigjozja amerikane Washington Post.

McGonigal u deklarua fajtor muajin e kaluar në Manhatan për marrjen e 17,500 dollarëve për punë të fshehtë për disa muaj në 2021 në emër të Deripaska, për të ndihmuar në heqjen e emrit të miliarderit nga lista e sanksioneve të SHBA-së, si dhe për të gjetur prova kundër një oligarku rival rus.

Veterani 22-vjeçar i FBI-së pranoi se kishte marrë ato që ai dinte se ishin pagesa të paligjshme nga një bankë e Qipros e filtruar përmes një kompanie në Neë Jersey për të punuar si konsulent dhe hetues. Deripaska u ndalua të bënte biznes me entitetet amerikane pas pushtimit të Krimesë nga Rusia.

“Një aktakuzë e dytë, e ngritur në Uashington, akuzoi McGonigal për fshehjen e pagesave prej 225,000 dollarësh që ai dyshohet se kishte marrë nga “Personi A”, i përshkruar në dokumentet e akuzës si një burrë i Nju Xhersit i punësuar dekada më parë nga një agjenci e inteligjencës shqiptare, dhe që The Post ka raportuar se është Agron Neza. Aktakuza akuzon gjithashtu McGonigal se ka vepruar për të çuar përpara interesat e personit A që të paktën nga gushti 2017 dhe ka vazhduar pas daljes në pension të tij nga FBI, ndërkohë që nuk ka zbuluar marrëdhënien, si dhe një “marrëdhënie të vazhdueshme me kryeministrin e Shqipërisë”, Edi Rama”, shkruan Washington Post.

Sipas aktakuzës, McGonigal mori 225,000 dollarë në para nga personi A në fund të vitit 2017.

Muaj më vonë, FBI me nxitjen e McGonigal hapi një hetim ndaj një lobisti amerikan për partinë kryesore politike opozitare të Ramës në Shqipëri, një hetim që përdorte personin A si burim informacioni, pretenduan prokurorët, vijon media amerikane.

Si një nga zyrtarët më të lartë të FBI-së që është akuzuar ndonjëherë për një krim, McGonigal udhëhoqi hetime të mëdha të inteligjencës, duke përfshirë publikimin e kabllogrameve të klasifikuara të Departamentit të Shtetit në vitin 2010 në WikiLeaks dhe kërkimin e një spiuni të dyshuar për Kinën brenda CIA-s. Ai kishte akses në një sasi të jashtëzakonshme informacioni të ndjeshëm, duke përfshirë hetimet e spiunëve të huaj ose shtetasve amerikanë të dyshuar se punonin në emër të qeverive të huaja, dhe të huajve që FBI dhe CIA po rekrutonin për të spiunuar për Shtetet e Bashkuara.

Në seancën e tij për pranimin e fajësisë në Nju Jork, McGonigal tha: “E kuptova se çfarë rezultuan veprimet e mia dhe jam thellësisht i penduar për këtë.” Duke u përballur me dënimin në atë rast më 14 dhjetor, McGonigal tha: “Unë paraqitem para jush në këtë gjykatë për të marrë përgjegjësinë e plotë pasi veprimet e mia nuk synonin kurrë të lëndonin Shtetet e Bashkuara, FBI-në, familjen dhe miqtë e mi”.