Ish-prokurori: Ja çfarë ka sjell veçimi i Ahmetaj nga çështja e inceneratorit

Ish-prokurori i krimeve të rënda Besnik Muçi tha për emisionin “Review”, se çështja e Arben Ahmetaj është ende në fillim për sa kohë letërporositë nuk kanë ardhur.

Sipas ish prokurorit veçimi i ish-zëvendës kryeministrit Ahmetaj në çështjen e inceneratorëve ka dëmtuar hetimin.

“Kjo çështja e inceneratorëve është bërë si kutitë kineze, që hap një kuti e del një tjetër. Nuk hapen kutitë njëkohësisht. Hetimi për Ahmetajn është ende në  fillim, nuk është drejt fundit, sa kohë nuk kemi letërporositë që do vijnë. Ato mund të duan të verifikohen për të nxjerrë prova të tjera. mënyra se si ëhstë bërë procedura nuk është e drejtë, ndarja nuk duhet të ishte bërë për person, por mund të ishte çuar në gjyq ata persona për ato fakte që i ka zbardhur në mënyrë të plotë dhe nga ata persona mund të ndante në zçështje për faktet që ishte duke hetuar”, tha  Besnik Muçi.