Me anë të një postimi në rrjetin e tij social ‘Facebook’, deputeti Bujar Leskaj ka kujtuar ish-presidentin Bujar Nishani, i cilu sot mbush plot një vit nga ndarja e tij nga jeta.
Sipas deputetit, Nishani ishte shembulli i familjarit model, shtetarit të ndershëm e atdhetar, politikanit të urtë e të matur, modest e punëtor.
“Po të jetonte akoma ky politikan i urtë, kontributi i tij për bashkimin e demokratëve do të kishte qenë parësor.” -shkruan deputeti Bujar Leskaj
Postimi i plotë:
I paharruar Presidenti fisnik Bujar Nishani!
Një vit pa Presidentin Bujar Nishani
Sot më 28 maj 2023 mbushen një vit nga ndarja nga jeta e Presidentit Bujar Nishani.
Presidenti Nishani ishte shembulli i familjarit model; i qytetarit të përgjegjshëm, shtetarit të ndershëm e atdhetar, politikanit të urtë e të matur, modest e punëtor, të përgjegjshëm e largpamës në emër të demokracisë e prosperitetit, që e përfaqësoi Shqipërinë dhe kombin tonë në mënyrën më dinjitoze.
Gjatë gjithë karrierës së tij, zoti Nishani e tregoi veten një shërbestar i vërtetë i Shqipërisë. Edhe pse ishte Presidnti më i ri në moshën 45 vjeçare, në vitet e presidencës 2007-2012, me maturinë dhe mençurinë e tij, ai i ngriti në një shkallë sipërore vlerat e institucionit të Presidentit të Republikës. Në mendimin tim modest, ka përfaqësuar Presidentin më të mirë të Shqipërisë në këto 33 vite tranzicion.
Ai diti të tregojë vëmendjen maksimale ndaj Kosovës dhe dha një mbështetje të çmuar për njohjen e Kosovës dhe mbështetjen e kauzave të saj në arenën ndërkombëtare.
Sot Presidentin Nishani shqiptarët, sidomos demokratët, e kujtojnë si një personalitet me vlera të rralla, si burrë shteti me integritet, vizion dhe konseguent në mbrotjen e vlerave të demokracisë.
Me ndarjen e tij nga jeta një vit më parë, Partia Demokratike humbi njërën prej figurave të saj më të rëndësishme, një politikan të matur e të përkushtuar, i cili edhe në muajin e fundit të jetës së tij u përpoq ndershmërisht e pa hezitim për më të mirën e PD dhe demokracisë.
Presidenti Bujar Nishan i mungon familjes, vendit, demokracisë dhe sidomos Partisë Demokratike, në këto kohë të vështira që ajo po kalon. Po të jetonte akoma ky politikan i urtë, kontributi i tij për bashkimin e demokratëve do të kishte qenë parësor.
I paharruar Presidenti fisnik Bujar Nishani!