Agim Ismaili, ish-drejtori i Përgjithshëm i Burgjeve do të ngarkohet me një tjetër detyrë të rëndësishme. Ai u emërua Drejtor i Inspektoratit Kombëtar të Mbrojtjes së Territorit, pasi paraardhësja e tij, Dallëndyshe Bici u caktua në krye të Agjencisë Shtetërore të Kadastrës. Ismaili drejtoi Drejtorinë e Burgjeve në vitet 2019-2021, ndërsa më parë ka qenë në krye të Autoritetit Kombëtar të Ushqimeve dhe n/drejtor në Drejtorinë e Pastrimit të Parave. Agimj Ismaili u zëvendësua në krye të burgjeve nga Admir Abrija, ish-prefekt i Tiranës. Këto lëvizje ndodhën pasi kryeministri Rama shkarkoi javën e kaluar nga ASHK Artan Lamën. Po ashtu, kryeministri ka firmosur propozimin e anëtarëve të rinj të Institutit të Statistikave. Në VKM e fundit, janë propozuar: Adrian Kamenica, përfaqësues i përdoruesve kryesorë të statistikave zyrtare; Elora Kokalari, përfaqësuese e përdoruesve kryesorë të statistikave zyrtare; Kozeta Sevrani, përfaqësuese e botës akademike; Edvin Zhllima, përfaqësues i shoqërisë civile dhe Blendi Salaj, përfaqësues i medias. Këto emra do t’i dërgohen Kuvendit për të marrë miratimin.
Spektakël në koncertin e Noizy-t, reperi surprizon në mënyrë të veçantë fansin e tij, video-ja bën xhiro në rrjet
Reperi mjaft i dashur për publikun, Noizy është gjithmonë në qendër të vëmendjes sa i përket këngëve dhe koncerteve të...
Lexo më shumë