‘Pakoja e madhe’ e qeverisë/ Reagon 'flakë për flakë' Sali Berisha dhe tregon planin e kryeministrit: Rama tallet me qytetarët se do të udhëtojë me avion me dhomë gjumi luksoze

Ish kryeministri Sali Berisha reagoi për pakon e njoftuar një ditë më parë nga qeveria për disa kategori të caktuara.Berisha deklaroi se ajo është thjesht një pilulë elektorale krahasuar me çmimet e larta me të cilat përballen pensionisët dhe ata që kanë rroga të ulëta.

Ai tha se Rama tallet me qytetarët sepse vetë do të udhëtojë me avion me dhomë gjumi luksoze dhe të firmosë marrëveshje për të mbushur xhepat e tij.

“Është thjesht një pilulë elektorale me efekt jashtëzakonisht minimal krahasuar me çmimet më të cilat përballen pensionstët dhe ata që janë me rroga të ulëta. Të paktën të kishte mëshirën dhe të jepte një rrogë tepër dhe pensionin e trembëdhjetë të cilat kanë ndodhur edhe në periudha pa inflacion.

Këtë nuk e bën se nuk e lë vjedhja. Këtë mund ta bëjnë shumë thjeshtë. KLSH ka gjetur vjedhjen në 9 muaj. Me këto që thotë ky nuk është as 1/15 e vjedhjes. Me këto që ka vjedhur ky. 122 mld lekë që janë shifra e KLSH. Jo e imja. Mund të rriste 1.3 herë rrogat e të gjithë shqiptarëve, Mund të dyfishonte dhe të tejkalonte rrogat dhe pensionet e të gjithë shqiptarëve, Ky tallet sepse do të udhëtojë me avion me dhomë gjumi luksoze. Do të firmosë marrëveshje me satelitë për të mbushur xhepat.

Do të blejë dronë, kur gjysma e ushtarëve shqiptarë kanë depozituar dorëheqjen sepse nuk jetojnë dot me atë rrogë që marrin. 2500 policë kanë paraqitur dorëheqjen. Ky shtet nuk është. Ky është një shpartallim”, deklaroi Berisha.