Zbardhen emrat e 2 kandidatëve të mundshëm të Alibeajt për bashkinë e Tiranës, gazetari zbulon 3 skenarët për t’u futur në zgjedhjet e 14 majit

Sipas informacioneve bëhet me dije se Roland Bejko dhe Jonila Godole janë dy emrat që janë propozuar gjatë mbledhjes së kryesisë për të qenë kandidat për Bashkinë Tiranë.

Gazetari Ardit Hoxha raportoi se ka 3 skenarë për t’u futur në zgjedhjet e 14 majit.

I pari është që të garohet me fuqi të plotë në 61 bashki si për Këshillat dhe për krerët e bashkive, varianti tjetër është që të garohet pjesërisht për kryetarët e bashkive, pra në disa bashki të lihet zonë e lirë për kandidatët e primareve.

Një variant tjetër është që PD mos të futet në zgjedhje për kryetar të bashkive, duke mos paraqitur asnjë kandidaturë, por të garojë vetëm për Këshillat Bashkiak.