Policia e Kosovës është vënë në aksion, pasi dyshohet se dy persona kanë sulmuar një efektiv policie gjatë ushtrimit të detyrës në aeroportin e Prishtinës “Adem Hajdari”.
Sipas Policisë, viktima ka pësuar lëndime trupore dhe është dërguar për tretman në Qendrën Klinike Universitare të Kosovës.
“Aeroporti Ndërkombëtar ‘Adem Jashari’ Prishtinë 29.03.2023 – 07:55. Janë arrestuar dy te dyshuar meshkuj kosovarë pasi që të njëjtit e kanë sulmuar zyrtarin policor gjatë kryerjes së detyrës zyrtare. Viktima ka pësuar lëndime trupore dhe është dërguar në QKUK për tretman mjekësor”, thuhet në raportin 24 orësh të Policisë.
Pas intervistimit, me urdhër të prokurorit kujdestar rasti ka vazhduar në procedurë të rregullt.