Gazetari Roland Qafoku deklaroi se ambasadorja amerikane, Yuri Kim raporton për çdo gjë te Departamenti i Shtetit (DASH).
Në emisionin “Now” në Euronews Albania, Qafoku u shpreh se Kim ka raportuar edhe për SPAK dhe drejtuesin e saj të ri, Altin Dumani.
“Të themi që ambasadorët amerikanë bëjnë politikë personale? Jo. Këtu është ajo se çfarë bën politika jonë, raporti i politikës sonë me ambasadorët amerikanë. Gjëja më e bukur do të jetë që të hapim dosjen dhe të lexojmë se çfarë ka thënë Yuri Kim.
Çdo gjë raportohet në Departamentin e Shtetit (DASH). Edhe atë të Altin Dumanit. Jam i bindur, me intuitën time që e raporton atje. Kështu funksionon”, theksoi ai.