Guardia di Finanza ka ndërmarrë një operacion në orët e para të mëngjesit. Si pasojë, janë marrë 43 masa paraprake në Itali, Shqipëri dhe vende të tjera evropiane.
Lajmi bëhet i ditur nga mediat italiane që shkruajnë se ushtarët e Shërbimit Qendror të Hetimit të Krimit të Organizuar (SCICO) dhe Njësisë së Policisë Ekonomike dhe Financiare të Brescias të Guardia di Finanza kanë kryer 43 masa paraprake në Itali, Shqipëri dhe vende të tjera evropiane dhe kanë sekuestruar mbi 4 milionë euro në një hetim në shkallë të gjerë për trafikun e drogës.
Detajet do të jepen gjatë një konference për shtyp nga prokurori i Bergamos , në lidhje me Agjencinë Evropiane për Bashkëpunim Gjyqësor Penal (Eurojust) dhe SPAK.