Është folur ditën e sotme në “Zona Zero” mbi sulmet kibernetike që janë bërë së fundmi në vend dhe veprimet që janë marrë nga Prokuroria e Tiranës.
Në studio gazetarja, Dorjana Bezat është shprehur se kjo është një punë me përgjegjësi, teksa nuk e ka konsideruar të përshtatshme që më këtë detyrë të merret Prokuroria e Tiranës.
“Nuk mund t’i lihet një hetim kaq i madh një prokurorie si Prokuroria e Tiranës, me gjithë respektin sepse ka të dhëna shtetërore. Ne jemi në një shantazhim të përditshëm sepse vetëm pak ditë më parë kanë dalë të dhënat e patentave.”- tha Bezat.