Eksperti i kriminalistikës, Ervin Karamuço, ka folur për konsumimin e lëndëve narkotike në Shqipëri, për të cilin pretendon se është rritur.
Karamuço tha se dy javë më parë u aksidentua një makinë pastrimi dhe shoferi i mjetit rezultoi edhe përdorues i lëndëve narkotike.
Kjo sipas tij tregon se është zgjeruar përdorimi i lëndëve narkotike dhe është ulur çmimi i tyre.“Përpara disa kohësh, para dy javësh është bërë një aksident i një makine pastrimi dhe kur i janë bërë testet shoferi doli jo vetëm përdorues i alkoolit, por edhe i lëndëve narkotike. Mendoni një shofer i një makine pastrimi, i cili përdor drogë. Është rritur konsumi, domethënë është ulur çmimi”, theksoi eksperti në një intervistë me Juli Xhokaxhin.