Tragjedia në Gramsh/ Hapen dyert e mortit në shtëpitë e viktimave, fqinji rrëfen situatën mes vëllezërve

Gazetarja Bruna Kërçyku ndodhet e pranishme në vendin e ngjarjes, ku ka arritur të pyesë një nga banorët e zonës në lidhje me situatën.

Fqinji i viktimës Shaqir Sinani, është shprehur se nuk ishte në dijeni të ketë pasur ndonjë konflikt mes vëllezërve dhe se autori ka qenë i shëndetshëm mendërisht, ndërsa fëmijët e Shaqirit do të vijnë nesër nga jashtë.

Sipas deklaratave të policisë Xhevit Sinani është gjendur në gjendje të rënduar psikologjike.

Si e njihnit Xhevitin, familjen?

I njihnim si njerëz që shihnin punën e  vet nuk ishte problematik, kjo që ndodhi ishte shokuese për të gjithë. S’kishte as probleme e konflikte mes njëri tjetrit, jemi tepër të tronditur.

A kanë pasur konflikte të mëparshme, zakonisht krime të tilla ndodhin për shkak të shkaqeve të pronës, motive të tjera të dobëta?

Nuk ka pasur asnjë debat mes tyre, se unë e kam dhe komshi Shqirin, s’ka pasur asgjë se si ndodhi as vetë nuk e di.

Gocat i ka këtu ndërsa fëmijët vijnë nesër në mëngjes, tre çunat i ka në Greqi.

A kishte shfaqur Xheviti probleme të një rëndese psikologjike?

Këto kohë nuk kishte probleme të tilla.