Zjarr në një servis automjetesh, digjen dy makina, zbardhet lëvizja e menjëhershme e policisë

Policia ka nisur hetimet pas dyshimeve për një ngjarje të qëllimshme që ka ndodhur këtë të premte në një servish automjetesh.

Flakët e zjarrit kanë djegur dy makina që ndodheshin të parkuara në ambientet e jashtme të servisit.

Vau i Dejës/Informacion paraprak

Në orët e para të mëngjesit të sotëm, në fshatin Dejë, Vau i Dejës, në ambientet e jashtme të një servisi automjetesh, në pronësi të shtetasit D. S., 44 vjeç, ka rënë zjarr dhe për pasojë janë djegur plotësisht, 2 automjete të parkuara.

Grupi hetimor, nën drejtimin e Prokurorisë pranë Gjykatës së Rrethit Gjyqësor Shkodër, vijon veprimet hetimore, për përcaktimin e shkakut të rënies së zjarrit.