21 janari/ Përplasje mes të ftuarve në studio, avokat Beqiri zbardh prapaskenat: Ja urdhri i Berishës për Bashën

Ndonëse kanë kaluar 12 vjet nga 21 janari, ende mbetet një ngjarje e cila ndez debate, e sidomos pas lajmit të bujshëm të disa audio përgjimeve të pretenduara. 

I tillë ishte edhe sfondi i diskutimit të sotëm në Repolitix të cilët edhe pse kanë kaluar shumë vite, sërish ka ndasi në opinionet e tyre.

Ish deputeti i PD-së, Azgan Haklaj i sheh me dyshim provat e reja dhe paditë e socialistëve kundër qeverisë së 12 viteve më parë. Sipas tij, këto janë “shashkat” e radhës së socialistëve. Sipas tij, përgjegjës për 21 janarin janë trekëndëshi i Bermundës, pra Meta, Rama dhe Berisha, ashtu siç dikur i cilësonte Basha.

“Së pari, 21 janari është vepër tragjike, vepër e trekëndëshit të bermudës (Meta, Berisha dhe Basha). A duhet hapur çështja, po. Ajo është indicie për provë. SPAK duhet ta marrë nën hetim. Po bëjnë shashkën e socialistët. Në asnjë rrethanë Basha s’ka pasur të drejtë të japë urdhër.”- tha ish deputeti Haklaj.

Por sipas avokatit Idajet Beqirit, Berisha është fajtor, për aq kohë sa kishte gati versionet, të gjjtihë sipas tij duhet të hetohen.

“Po të japësh variante e ke mizën në kësulë, Nëse s’do kishte Berisha lidhje s’kishte pse jepte versione të tjera

Berisha dërgoi te presidenti i vendit, Bashën, ti thoshte Ina Ramës ti hiqte këto urdhër arreste. Basha ka shkuar te Bamir Topi dhe Basha dhe ish presidenti do pyeten. Një kryeministër që thotë t’i hiqet udhër arresti punonjësve të gardës, s’mund të jetë pa gisht. Berisha e dinte mirë që serverët u prishën dhe u fshinë. Të gjitha këto do hetohen.”- tha Beqiri.
Në studio pati edhe një debat mes dy avokatëve, Përparim Çaça dhe Idajet Beqiri sa i përket vërtesësisë së protestës dhe dhunës ndaj protestuesve. Sipas Përparim Çaçës çdo gjë ka qenë e inskenuar nga socialistët.

Përparim Çaça: Kemi parë për 11 vite nga mazhroanca vetëm karafila dhe lot krokodili, tani kemi një padi.  Ajo s’ishte protestë paqësore, ka qenë çdo gjë e përgatitur

Beqiri: Të lutem, ne u helmuam nga gazi.

Çaça: Atëherë i hodhën bojë të kuqe për t’u dukur sikur u plagosën. Kishit hunj në dorë.

Beqiri: E ke gabim, ishte protestë paqësore. S’kishim asgjë në dorë.

Çaça: Merre si të duash. Edhe ata që kanë provokuar atë lloj proteste.

Beqiri: Lërë politikën dhe fol si jurist, me dy standarde.

Çaçi: Ajo ishte protestë e manipuluar.

Sipas Arben Meçaj, Basha nuk ka asnjë gisht në tragjedinë e 21 janarit dhe i gjithë ky është skenar i Berishës.

“Albia e mbroitjes së Sali Berishës është se është zbatuar ligji. Ai prandaj e mbron Bashën. Basha s’është i përzjer në këtë punë. Gjithë skenari është i Berishës.”- tha Meçaj.