Kreu i PD-së, Sali Berisha, para selisë blu, në mbyllje të protestës, ka paralajmëruar se beteja të mëdha do të ketë në vijim.
Berisha ka theksuar se, misioni i tij dhe i demokratëve është të mbrojnë shqiptarët nga një kriminel si kryeministri Edi Rama.
“Edhe njëherë, një mirënjohje të pakufishme.Ky regjim i shëmtuar, bëri gjithçka që protesta jonë të mos zhvillohej. Kaloi edhe në një akt, me të cilin dëshmoi karakterin prej krimineli Edi Rama.
Ai që e organizoi, zgjodhën si në të gjitha rastet, një person që mund të kryejë çdo gjë, dhe e bënë si masë të fundit, pasi e panë që u lëshuan nga katër anët e Tiranës dhe Shqipërisë në këtë protestë që historia do e shkruajë me germa të arta në historinë e protestave të qytetarëve të lirë.
Ju keni ardhur me dhjetëra dhe qindra herë në protesta, por ju garantoj se kjo e sotmja, ka qenë për secilin prej jush, kryeprotesta e jetës.Jemi misionar për të mbrojtur Shqipërinë, për të mbrojtur shqiptarët nga një kriminel si Edi Rama. Beteja të mëdha na presin”, tha Berisha.