Pas vendimit të KAS, KQZ me dorë të hekurt 'godet' edhe PL, regjistron në zgjedhje PD e Alibeajt

Pas vendimit të KAS, KQZ do të rregjistrojë sot edhe ligjërisht PD-në e ALiberajt në zgjedhjet e 14 majit.

Gjatë mbledhjes, përfaqësuesi i PL-së, Altin Kaziaj i kërkoi Celibashit të shtynte vendimin derisa çështja të shqyrtohet në Kolegjin Zgjedhor. Por kërkesa nuk u pranua nga Komisioneri Shtetëror.

“Ky vendim i KAS ngelet thjesht dhe vetëm teknikisht për tu zbatuar nga komisioneri Shtetëror. Është akti i një organi të parashikuar nga ligji për të vendosur për çështje të tilla. Për sa kohë ky organ ka vendosur regjistrimin si subjekt zgjedhor të PD-së, ngelet vetëm zbatimi i këtij vendimi. Vendos regjistrimin e PD-së me nënkryetar Enkelejd Alibeaj, në cilësinë e kryetarit të komanduar të PD-së për zgjedhjet e 14 majit”, tha Celibashi.