Rinegocimi i kandidatët në 15 bashki/ Berisha paralajmëron dhe i jep goditjen e fortë Alibeajt dhe emrave që e mbështesin atë, komenton edhe drekën e demokratëve

Në një konferencë të fundit për këtë vit që po lëmë pas, kryetari i PD, Sali Berisha foli dhe për situatën brenda partisë që ai drejton, ku në zgjedhjet e 14 majit kjo forcë politike shkon e përçarë.

Berisha akuzoi kryeministrin Edi Rama se me “kapjen” e ish kryetarit të PD, ka dashur përçarjen e opozitës, por paralajmëroi se ajo do të jetë fitimtare në betejat e saj.

“Për cdo njeri është e qartë sot veprimi anti opozitar i Ramës. Në këtë veprim, e vërteta është që Rama arriti të akaparojë kreun e opozitës, pseudopozitës, dhe vijon të ketë rrethin e tij që e paraqet si opozitë. Këto nuk kanë penguar opozitën të jetë fitimtare në betejat e saj”.

Sipas Berishës, më 14 maj, “Rama do bëjë gjithcka që emigrantët të mos votojnë se ruan daj tyre instiktet armiqësore atërore. Por ne do bëjmë cfarë të kemi në dorë që emigracioni të votojë. Ne e kemi deklaruar atë armik të votës së lirë dhe vijojmë me gjithë fuqinë tonë përballjen”.

I pyetur pas deklaratave të deputetit Xhelal Mziu se në drekën e organizuar që “bashkoi” PD-ë, është folur në mënyrë indorlame se 10-15 kandidatë që kanë dalë nga primaret mund të rinegociohen për zgjedhjet e 14 majit, Berisha theksoi:

“Jashtë primareve unë nuk njoh praktikë tjetër, kam respekt për zotin Mziu por jashtë primareve nuk njoh tjetër praktikë”.

Ndërkohë që eksponentë të PS kanë deklaruar se në zgjedhjet lokale nuk do të bien nën fitoren e 40 bashkive, Berisha tha:

“PS është sot forca politike më e diskretituar e Evropës, funksionon si një shpellë mafioze ku vendimet merren nga qeset me para, nga bandat kriminale dhe interesat e tyre me firmën e Edi Ramës.

Të flasësh për PS sot një forcë politike ku vota nuk ekziston, është e paligjshme.Një grup mafioz të kryesuar nga Rama që merr cdo vendim pa pyetur asnjë forum, anëtarësi, normë. Si mund të votojnë shqiptarët kukulla e Edi Ramës apo të organizatave kriminale nuk mund ta imagjinoj. Ai e llogarit në vjedhjen e votës por vjedhja e votës ka dhe do ketë përgjigje”.