“Shteti ka rënë”, Bylykbashi ngre alarmin dhe paralajmëron: Po hapen dyer të rrezikshme, mund të çojë në...

Deputeti Oerd Bylykbashi është shprehur se shteti ka rënë. I ftuar në emisionin “Kontrast”, Bylykbashi ka deklaruar se kompanitë offshore po bëhen gjithnjë e më shumë prezente dhe askush nuk e di se çfarë dyersh të rrezikshme po hapen.

Më tej deputeti ka nënvizuar faktin se tani është nevojë për të rikthyer pluralizmin politik dhe duhet një rikonceptim për demokracinë shqiptare.

“Kompanitë offshore po bëhen gjithnjë e më shumë prezente. Askush nuk di se çfarë dyersh të rrezikshme po hapen. Kjo mund të çojë në destabilitet të ekonomisë. Shteti ka rënë .Prokuroria e ndjen veten të dobët. Një sistem autokratik nuk është kurrë stabël.

Jemi në nevojën që të rikthejmë pluralizmin politik, që i pari i vendit të jetë i dobët. Na duhet një rikonceptim i ri i demokracisë shqiptare”, tha Bylykbashi.