Zgjedhjet e 14 majit/ Krasniqi rendit ngjarjet që do të ndikojnë rezultatin

Drejtuesi i Institutit për Studimet Politike, Afrim Krasniqi tha në emisionin Barometri në Euronews Albania se janë disa faktorë që do të ndikojnë në rezultatin e zgjedhjeve të 14 majit. Sipas tij, lufta e brendshme në PD është bërë e lodhshme për qytetarët, por shanset që e majta në Shqipëri të marrë votues të djathtë janë të vogla.

“Së pari opozita nuk po bën debat, po fyejnë njëri-tjetrin dhe është e lodhshme për qytetarët të dëgjojnë vetëm sharje. Kjo është investim për të majtën. Së dyti, Belind Këlliçi nuk është ende kandidat. Së treti PS e ka nisur prej kohësh në mënyrë kapilare fushatën, shteti është fushata. Së katërti ka ndryshuar pronësia e medias dhe kjo do sjellë kosto. Stacionet prodhojnë që Shqipëria është një nga vendet më të lumtura”, tha Krasniqi.