“Ndaloje luftën në Ukrainë”/ Ballë për ballë me Lavrovin, shefi i OKB-së i bën kërkesën urgjente: Duam...

Sekretari i përgjithshëm i OKB-së, Antonio Guterres i kërkoi ministrit të Jashtëm rus, Sergei Lavrov t’i japë fund luftës që Rusia i ka shpallur Ukrainës që prej 24 shkurtit.

Ne kemi nevojë për një armëpushim “sa më shpejt të jetë e mundur”, i tha sekretari i OKB-së ministrit rus.

Antonio Guterres mbërriti mëngjesin e sotëm në Moskë, për të takuar zyrtarët e lartë të vendit, për të diskutuar për luftën në Ukrainë.

"Ne jemi të interesuar të gjejmë mënyra për të krijuar kushtet për një armëpushim në Ukrainë sa më shpejt të jetë e mundur, ne duhet të bëjmë gjithçka që është e mundur për këtë qëllim"., kështu deklaroi Sekretari i Përgjithshëm i OKB-së, Antonio Guterres, gjatë takimit me ministrin e Jashtëm rus Serghei Lavrov në Moskë.

Guteress më vonë do të pritet në Kremlin nga Vladimir Putin.