Edhe Shqipëria e përfshirë, BE zbulon skemën profesioniste të mashtrimit gjigant, zbardhen me shpejtësi detajet e bujshme

Bashkimi Europian njoftoi të martën zbulimin e një mashtrimi të sofistikuar tatimor prej 2.2 miliardë eurosh që shkaktoi bastisje në 14 vende, përfshirë Francën, Gjermaninë, Greqinë dhe Spanjën.

Më shumë se 600 njerëz morën pjesë në skemë, “që besohet se është mashtrimi më i madh i TVSH-së i hetuar ndonjëherë në BE”, sipas Zyrës së Prokurorit Publik Evropian (EPPO).

Prokurorët zbuluan një rrjet “veprimtarish kriminale” që vepronin në pothuajse të 27 vendet anëtare të BE-së dhe më gjerë në Shqipëri, Britani, Kinë, Mauritius, Serbi, Singapor, Zvicër, Turqi, Emiratet e Bashkuara Arabe dhe Shtetet e Bashkuara.

Hetimi filloi 18 muaj më parë, kur Prokurori Publik u thirr për të ndihmuar autoritetet në Portugali, të shikonin atë që fillimisht dukej një skenë e vogël mashtrimi, por që nuk rezultoi e tillë.

Kjo përfshinte një kompani të vendosur në qytetin mesjetar portugez të Coimbra-s, duke shitur telefona celularë dhe pajisje të tjera elektronike, e cila dyshohej se kishte shmangur pagesën e tatimit mbi vlerën e shtuar (TVSH).

“Disa grupe të krimit të organizuar shumë të aftë, u përfshinë, secila prej të cilave ka role specifike në skemën e përgjithshme,” tha EPPO.