I kërkoi sqarim për vrasjen e Pjerin Xhuvanit më 25 prill, Gazment Bardhi i përgjigjet flakë për flakë Sali Berishës: Bandat e Elbasanit janë në ortakëri me Foltoren, ai e di shumë mirë rolin tim atje

Deputeti i PD, Gazment Bardhi i është përgjigjur kryedemokratit Sali Berisha, i cili u shpreh se Bardhi duhet të sqarojë pozicionin e tij për vrasjen e ndodhur në Elbasan gjatë fushatës elektorale për zgjedhjet e 25 prillit.

Postimi i plotë:

Shpifja është i vetmi mjet që i ka mbetur Sali Berishës për të bërë politikë. Ai e di shumë mirë se roli im në Elbasan ka qenë dyfishimi i mandateve për PD nga 3 në 6 mandate përballë terrorit të bandave të pushtetit, që sot janë në ortakëri me Foltoren.  Sot e kësaj dite nuk ka asnjë deklaratë të SB për t’u distancuar nga ndërhyrja e bandave të Elbasanit në punët e Foltores. Me shpifje as nuk mbulon dot të vërtetën, as nuk shkon dot larg.