Mul Noka akuza Met Rrumbullakut, krahason sulmin e Berishës me vrasjen e Klodian Rashës: Burimet e kemi brenda institucioneve

Deputeti i Partisë Demokratike, Flamur Noka, është shprehur i bindur se agresori që goditi ditën e djeshme kreun e Partisë Demokratike, Sali Berishën është një agjent policie.

I pyetur nga gazetari Eni Ferhati në emisonin e Thimi Samarxhiut lidhur me burimet ose faktet që ai ka për këtë akuzë, Noka u përgjigj se ai ka burimet e veta brenda institucioneve dhe di kujt ja drejton gishtin.

“Burimet i kemi brenda institucioneve, kur drejtojmë gishtin dimë për ça e drejtojmë. Mu dhimbs Rrumbullaku se kishte një letër të cilën ja kishin shkruar Bledi Çuçi dhe Edi Rama. Për Bledi Çuçin dhe Edi Ramën i kemi burimet tona, si ka mundësi që në momentin që ndodhi atentati ata e kishin raportin e personit në zyrë, gati. Është i njëjti rast si me Klodian Rashën në Laprak që i vuri pistoletën në dorë pasi e vranë”, u shpreh Flamur Noka.