“Përdoret për të ndikuar në...”, Berisha me akuza të forta drejt kryeministrit: Rama, agjent influent i Putinit

Ish-kryeministri Sali Berisha ka akuzuar kreun e qeverisë, Edi Ramën se është agjent influent i Presidentit Vladimir Putin. Sipas Berishës, agjentët influentë nuk shërbejnë për të mbledhur informacione, por për të ndikuar në opinione.

I ftuar në emisionin “Open”, Berisha deklaroi se nëse opozita nuk do të ngrihet fuqishëm kundër qeverisë, nuk do të ketë të ardhme.

Berisha: Mark Rossini është autori i vërtetë i shkrimit të Mother Jones. Në mes të Madridit, Edi Rama i dërgon kamerën për të folur për Sali Berishën. Mark Rossini, i thotë Ben Blushit në vitin 2019, Berisha është kukull e Putinit. Mark Rossini është i dënuar për korrupsion. Mobilizoi mafien, agjenturat kundër opozitës. Opozita nëse nuk ngrihet me gjithë forcën, në një përballje jetë ose vdekje, opozita s’ka të ardhme. Çdo gjë në këtë vend është fiktive sa të jetë ky.

Pyetje: Çfarë do bëjë opozita?

Berisha: Opozita do të lërë çdo gjë tjetër dhe do merret vetëm me Edi Ramën. Me të gjitha format e mosbindjes civile dhe rezistencës. Ky njeri, për mua është agjent influent i Putinit. Ftoj çdo njeri që të lexojë përcaktimin e agjentit influent dhe të më thotë se ky përkufizim nuk i shkon.

Pyetje: Po thoni se Rama është agjent influent?

Berisha: Kryeministrat dhe njerëzit influent nuk përdoren për mbledhës informacionesh. Por për të ndikuar në opinione. Nuk ka njeri që mund të deklarojë në Davos që “këta që mbyllën mallin e pistë rus, e zëvendësuan me një tjetër mall të pistë”, e kishte fjalën për gazin. Nëse ka ndonjë efekt të rëndësishëm strategjik, ajo luftë ka se Gjermania para një muaj, ndërpreu çdo metër kub gaz nga Rusia.

Pyetje: Nëse Rama është agjent i Putinit, mendoni se SHBA-ja nuk e di?

Berisha: Agjent influent.