Prapaskenat e videos virale mes Melonit dhe Macron/ Pas tensionit mes dy vendeve, presidenti francez bën gjestin e papritur ndaj kryeministres italiane në mbledhjen e G7

Ndërsa liderët botërorë u mblodhën të enjten në mbrëmje në rajonin e Pulias në Itali, pas një takimi njëditor në samitin në vazhdim të G7, takimi mes Giorgia Meloni dhe presidentit francez Emmanuel Macron u bë viral në internet.

Kryeministrja italiane shihet me një vështrim të ashpër ndaj Macron, pasi ky i fundit i puth dorën. Mimika të kryeministres së ekstremit të djathtë që do të hyjnë në historinë e memeve.

Shkak i këtij "tensioni" mendohet të jetë përplasja që Meloni dhe Macron kanë pasur mbi mënyrën se si të përcaktohen të drejtat e abortit në deklaratën përfundimtare të G7. Sipas raporteve të mediave lokale italiane, Meloni kundërshtoi përdorimin e shprehjes "abort i sigurt dhe i ligjshëm" në deklaratën përfundimtare, duke e quajtur atë një "thellësisht të gabuar".

Presidenti francez u tha gazetarëve se i vinte keq që fjala u hoq. Emmanuel Macron u shpreh se Franca ka një "vizion të barazisë midis burrave dhe grave" dhe argumentoi se jo të gjitha vendet e ndajnë atë vizion. Meloni, nga ana tjetër, akuzoi presidentin francez për përdorimin e samitit të G7 për të rritur perspektivat e zgjedhjeve.

Përfundimisht, Meloni mbizotëroi ndaj Macron dhe u mor vendimi për të ruajtur formulimet e samitit të mëparshëm të G7 mbi të drejtat e abortit.

Diplomatët kishin bërë presion për të përfshirë një referencë për "abortin e sigurt dhe të ligjshëm" në tekstin përfundimtar të samitit, por Italia pritëse, e cila aktualisht mban presidencën e G7, refuzoi.

Franca, e cila sanksionoi të drejtën e abortit në kushtetutën e saj në fillim të këtij viti, nuk është e vetmja që i merr seriozisht të drejtat e abortit. Presidenti Biden e ka vënë abortin në qendër të fushatës së tij zgjedhore.

Samiti i vendeve të G7-ës u mblodh për një ditë, më 13 Qershor. Presidenti ukrainas përdori orët e tij të fundit në Itali për të nxitur mbështetjen për vendin e tij, një ditë pasi G7 ra dakord për një kredi të re 50 miliardë dollarë për Kievin duke përdorur fitimet nga asetet e ngrira ruse.