SHBA paralajmëron shpalljen “non-grata” të PD, demokratët rrezikojnë sanksione, Ambasada Amerikane deklaratë “bombë”, të kenë kujdes personat që shoqërohen me Sali Berishën dhe familjen e tij
Alarm për pushtetarët e lartë të korruptuar, zyrtari i lartë i SHBA zbarkon në Tiranë më 20 qershor, Joe Biden zgjat “emergjencë kombëtare” për të zhdukur korrupsionin në Shqipëri, zbardhet dokumenti që fundos familjen “Berisha”, sekuestrim pasurie për...
Ja kush është personazhi i njohur i botës së krimit që do të fundosë Ilir Metën në SPAK, Kreshnik Spahiu zbulon detaje nga përgjimi që nëse merret seriozisht nga autoritetet mund të hapë “Kutinë e Pandorës” në politikë
Ja si oligarku Klodian Allajbeu po “vjel” para pa kriter nga buxheti i shtetit për shkak të vjedhjeve dhe keqmenaxhimit, Spitali Amerikan zero investime në pajisje dhe përdor mjekët e spitaleve publike, qeveria asnjë kontroll
Pikëpyetjet si u ngrit Belinda Balluku nga pastruese në Greqi, në nr.2 i qeverisë dhe ministre e tenderave në Shqipëri, ja detajet e forta që zbardhi media greke për bashkëpunëtoren e Ramës, nga “festa” me 50 milionë eurot që i ka borxh kompanisë “Acto...
Meta-Kryemadhi të përgjuar nga BKH, ja detajet nga dosja që po heton prokurori Sotir Kllapi, në skaner pronat dhe llogaritë bankare, nga tërheqja e 20 mijë euro në vitin 2008, lejet për ndërtime, vila në Gjirin e Lalzit, deri te mobilimi dhe misteri i...
Gati fletë-arresti për Ilir Metën, kjo është seanca e fundit e pyetjeve të tij në SPAK, ja provat që e kanë fundosur, juristi Romeo Kara nxjerr detajet e forta
Aleanca mes Sali Berishës dhe Ilir Metës është prishur, Myslym Murrizi zbulon se çfarë po ndodh brenda opozitës dhe tregon "recetën" që do të rrëzojë Edi Ramën nga pushteti
Berat Gjimshiti flet si kapiten i Atalantës, i vendosur të fitojë titullin në Europa League
Shkruar nga Adriatik BALLA 22 Maj 2024
Finalja e Europa League luhet sot dhe dy shqiptarë d të jenë përballë njëri-tjetrit. Bëhet fjalë për Granit Xhakën që luan me Leverksuenin dhe Berat Gjimshitin që luan me Atalantën. I pari përfaqëson ngjyrat e Zvicrën në nivel ekipi kombëtar, kurse tjetri është kapiten i përfaqësueses kuqezi. Ndërkohë, në prag të ndeshjes finale të UEFA Europa League, në konferencën për shtyp krah trajnerit Gasperini ishte edhe mbrojtësi i Kombëtares Shqiptare, Berat Gjimshiti. 31-vjeçari u shpreh se Atalanta e meritoi të ishte këtu dhe se të gjithë janë gati për të shkruar historinë ndaj Bajer Leverkusen. “Këto janë emocione shumë të bukura, ne jemi të lumtur që kemi arritur deri këtu, pasi e kemi merituar. Nuk ndodh çdo ditë të luash të tilla finale dhe kjo ka qenë një ëndërr që kur kam qenë fëmijë. Nesër fusha do të ketë rëndësi. Të gjithë jemi gati për këtë betejë dhe duam të fitojmë dhe të shkruajmë historinë”, tha fillimisht mbrojtësi “kuqezi”. Më pas, Gjimshiti u pyet mbi mungesën e De Run, teksa konfirmoi se mund të jetë ai kapiteni i skuadrës. “Padiskutim që është një mungesë e rëndësishme ajo e De Run. Por, gjithçka do të varet nga ne, për mënyrën se si do të luajmë. Unë kapiten? Ka mundësi, por kjo nuk ka shumë rëndësi për ne, këtu jemi të gjithë, ne luajmë së bashku dhe fitojmë së bashku”, tha ai.
Një betejë e vërtetë kundër Bajer Leverkusen
Në fund, Gjimshiti theksoi se e respektojnë në maksimum Bayer Leverkusenin dhe pret një ndeshje shumë të luftuar. “Nuk ka nevojë për shumë fjalë, ata nuk kanë humbur asnjë ndeshje dhe me meritë e fituan Bundesligën. Ata janë një ekip i madh, me një skuadër shumë kompakte dhe shumë të fortë. Ne jemi përballur me Leverkusen dy vite më parë dhe besoj se edhe ata kanë pikat e tyre të dobëta. Natyrisht, e thash edhe pak më sipër se gjithçka nis dhe varet nga ne, nuk duhet të gabojmë, duhet të jemi të përqendruar maksimalisht dhe të shfrytëzojmë gjithçka sepse jemi në finale”, përfundoi Berat Gjimshiti.
Kombëtarja
Berat Gjimshiti është lojtari më në formë i Kombëtares kuqezi. këtë e tregojnë jo vetëm minutat që i ka më të shumta se çdo lojtar tjetër i përfaqësueses, por edhe numrin e ndeshjeve si titullar dhe rëndësinë që ka ai vetë në radhët e Atalantës. Këtë herë Gjimshiti do diçka më shumë. Ai synon të jetë lideri i vërtetë i skuadrës në finalen e madhe të Ligës së Europës përballë Bajer Leverkusenit, për të synuar trofeun. Mediat e huaja sportive i kanë thurur elozhe futbollistit shqiptar, duke e quajtur njërin prej pikave më të forta të skuadrës së Gasperinit. Nga ana tjetër, forma e tij e mirë i jep garanci titullari në ekipin përfaqësues, për më tepër që Gjimshiti është njëherësh kapiten i skuadrës. Ai do të dijë ta drejtojë si duhet grupin e lojtarëve në fushë, duke bashkëpunuar si duhet me trajnerin Silvinjo. Është lojtar i vendosur, i mirëpërgatitur, i disiplinuar në maksimum dhe mjaft i qetë, ndaj i zgjidh si duhet situatat e vështira në mbrojtje. Ky sezon ka qenë spektakolar për të dhe një sukses me Shqipërinë në Europian do të ishte qershia mbi tortë e performancës së tij në këtë vit futbollistik.