Aksidentoi në mënyrë tragjike këmbësoren, bie në pranga 21-vjeçari

Një aksident i rëndë ndodhi këtë dielë në Kamëz ku shoferi 21-vjeç humbi kontrollin e automjetit dhe u përplas me një tjetër automjet. Sipas burimeve i riu përplasi dy shtetase, ku njëra prej tyre ndërroi jetë. Ndërsa, tjetra ndodhet në spital, nën kujdesin e mjekëve.

Si pasojë, policia ka bërë të mundur këtë të hënë arrestimin e 21-vjeçarit, që drejtonte mjetin tip “Benz”.

Njoftimi i Policisë: 

Specialistët e Komisariatit të Policisë Rrugore Tiranë arrestuan shtetasin  21 vjeç, banues në Tiranë. Ditën e djeshme, në bulevardin “Nënë Tereza”, Kamëz, duke drejtuar mjetin tip “Benz”, ka aksidentuar këmbësoret, shtetaset dhe më pas, si pasojë e përplasjes ka goditur mjetin me drejtues shtetasin 23 vjeç. Shtetasja ka ndërruar jetë në spital, ndërsa shtetasja dy drejtuesit e mjeteve dhe pasagjeri i njërit prej tyre, ndodhen jashtë rrezikut për jetën.

Materialet i kaluan Prokurorisë.