“Rama i humburi i madh i zgjedhjeve më 2025”, deputeti Luan Baçi shpërthen ndaj qeverisë: Është zhytur në korrupsion, kryeministri ka ditët e numëruara

Deputeti i PD Luan Baçi, i ftuar në një program televiziv deklaroi se Edi Rama është i humburi i madh i zgjedhjeve më 2025.

Baçi theksoi se qeveria e Ramës është e zhytur në korrupsion dhe se kryeministri ka ditët e numëruara.

Luan Baçi: Edi Rama është i humburi i madh i zgjedhjeve të ardhshme parlamentare. Janë të dukshme aktet korruptive të kësaj qeverie. Të kesh 700-800 mijë shqiptarë që kanë ikur në mënyrë masive, që të kesh pagat më të ulëta në rajon, të kesh bujqësinë në pikë të hallit, sepse subvencionet vidhen, mëkeq se kaq nuk mund të shkojë vendi. Një mazhorancë e tillë nuk mund të jetë asesi fituese e zgjedhjeve.

Por Rama e mbështet fushatën e tij tek frika që ngjall tek qytetarët. Rama do të përballet me një opozitë të fortë më 2025. Rama ka ditët e numëruara. Demokratët do të shohin se çfarë do të ndodhë, kur Sali Berisha të dalë nga arresti shtëpiak.