Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Panuçi zbardh listën e kuqezinjve, Taulant Xhaka përjashtohet nga kombëtarja

Postuar: 26/08/2017 - 07:45

Kombëtarja njeh emrat e saj për ndeshjet e shtatorit kundër Lihtenshtejnit dhe Maqedonisë, një listë e hartuar këtë herë jo nga Xhani De Biazi, por nga Kristian Panuçi. Tekniku i ri i përfaqësueses ka zbardhur edhe zyrtarisht listën, e cila ka tre emra të rinj në gjirin e saj dhe ata janë: Ivan balliu, i cili ka dalë nga akademia e Barcelonës por që luan me skuadrën e Metz në ligën e dytë franceze, Hysen Memolla që luan në kampionatin kroat, si dhe Valon Mehmedi, që është sulmues i Mariborit në kampionatin slloven. Këto janë pra tre risitë e trajnerit Kristian Panuçi, por surpriza më eë madhe e teknikut të ri është “asgjësimi” që i ka bërë që në fillim grupit rebel në përfaqësauese. Ai nuk ka ftuar në kombëtare mesfushorin Taulant Xhaka, të cilin shkoi ta takonte në Zvicër por lojtari nuk i doli në takim. Për këtë arsye, duket se Xhaka jo vetëm nuk është në listë, por është dhe njëherësh i përjashtuar nga Kombëtarja. Dy lojtarët e tjerë që kanë mbetur jashtë përfaqësueses janë mesfushori Ergys Kaçe, i cili zyrtarisht justifikohet me mungesën e aktivizmit, pra të formës sportive, si dhe sulmuesi Shkëlzen Gashi, që njëlloj sikurse Xhaka, ishte një prej rebelëve në ekipin përfaqësues. Duhet pranuar që në fillim se lista e Panuçit nis me surpriza të mëdha. Po të mendohet se ai do të ketë duelet e para si trajner në krye të Kombëtares, prurjet e reja dhe natyrisht “kryqëzimet” e para për lojtarët problematikë, janë dëshmi e një dore të fortë. E thënë ndryshe, Panuçi e nis me shpatë në dorë në krye të kombëtares së Shqipërisë. Lista përbëhet nga 24 emra të cilët do të jenë në dispozicion të trajnerit për ndeshjen e 2 shtatorit në “Elbasan Arena” dhe për atë të 3 ditëve në pas në Strumicë të Maqedonisë. Debutuesi Hysen Memolla i lindur në Kavajë ka një karrierë të pasur jashtë vendit. Ai ka nisur të luajë si profesionist në Itali dhe që prej vitit 2016 është pjesë e skuadrës së dytë më të titulluar të Kroacisë ku numëron 16 ndeshje zyrtare. Ndërkohë, Ivan Balliu ka lindur në Spanjë ku ka qenë pjesë e kombëtareve iberike të 16 dhe 17-vjeçarëve. Ai aktivizohet që prej dy vitesh në radhët e Metz ku numëron 52 ndeshje dhe një gol të shënuar. Ndryshon historia për Ahmetin që regjistron një kalim natyral në Kombëtare pas eksperiencave me skuadrën shpresa dhe 19-vjeçarët. Mungesat më të mëdha të kësaj liste janë Taulant Xhaka, Ergys Kaçe dhe Ermir Lenjani. Mesfushori i Sion nuk figuron në listën e Panuccit edhe pse nën drejtimin e De Biazit ai ishte një nga emrat më të rëndësishëm të Kombëtares Shqiptare. Pjesa tjetër e skuadrës nuk ndryshon duke filluar që nga porta dhe për të vazhduar më pas me emrat e njohur në mbrojtje ku Mavraj do të jetë gati dhe për të vazhduar me mesfushën dhe sulmin. Duke parë me vëmendje listën e shpallur nga Panuçi, duket qartë një tendencë e tij për të ruajtur bërthamën e grupit të trashëguar nga tekniku Xhani de Biazi, sidomos me elementë të tillë si Berisha, Mavraj, Hysaj, Abrashi, Memushaj, Basha dhe Lila. Për këta dy të fundit ka pasur më herët diskutime të shumta nëse mund të jenë të ftuar në vazhdimësi në Kombëtare, për shkak të formës fizike me oshilacione, por duket se njëlloj si De Biazi, edhe Panuçi u beson fort lojtarëve që luajnë në kampionatin italian, pavarësisht emrit të klubit, kategorisë dhe minutazhit në lojë që kanë futbollistët. Kjo për Bashën, kurse për Lilën, kavajasi është një nga lojtarët që luan me shpirt për ekipin kuqezi, respekton vendimet e trajnerit dhe është i gatshëm të qëndrojë edhe në stol nëse nevojitet dhe kjo e ka bërë atë të jetë në preferencën e stafit teknik të Kombëtares.

Lista e Kombëtares

Portierë: Berisha, Strakosha, Hoxha.

Mbrojtës: Agolli, Ajeti, Mavraj, Gjimshiti, Hysaj, Veseli, Memolla, Balliu.

Mesfushorë: Basha, Lila, Memushaj, Kukeli, Grezda, Hyka, Roshi, Latifi, Abrashi.

Sulmues: Ahmedi, Cikalleshi, Llullaku, Sadiku.

Adriatik BALLA

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 23/08/2019 - 23:13

Lajmi kishte qarkulluar prej kohësh, por nuk kishte ende një konfirmim. Tashmë Interi e ka bërë zyrtare. Mauro Icardi pas shiritit të kapitenit ka humbur edhe fanellën me numër 9.

Postuar: 23/08/2019 - 22:10

Kukësi ka fituar me rezultatin 1-0 ndaj Partizanit falë golit të sulmuesit Vasil Shkurtaj.

Postuar: 23/08/2019 - 16:36

Pas shumë e shumë spekulimeve më në fund është vendosur përfundimisht se ku do të luajë Elseid Hy

Postuar: 23/08/2019 - 07:49

Barcelona pa Lionel Mesin nuk mund të quhet skuadër e kompletuar.

Postuar: 23/08/2019 - 07:47

Trajneri Shpëtim Duro është gati për të përballuar sfidat e sezonit të ri.

Postuar: 23/08/2019 - 07:45

Lojtarët kuqezinj në Europë po përpiqen të krijojnë profilin e tyre të suksesit, të bazuar në kua

Postuar: 22/08/2019 - 18:41

Bota e sportit është tronditur ditën e sotme teksa ka marrë lajmin se 25-vjeçarja Margarita Plavu